మురళీ మోహనం

బుధవారం, ఏప్రిల్ 17

                                     తెలుగు వారింట తెలుగుకు వెలుగు పోయె
                                    మమ్మి దాడీ లనుటయే మక్కువయ్యె !
                                    మాతృ భాషను మరచుట మంచి కాదు
                                  తల్లు  లికనైన మేల్గాంచి ధన్య తవరె !

                                   తెలుగు వాడుగ పుట్టియు తెలుగు నింట
                                   తెలుగు మాట్లాడ కుండు ట తెలివి యగున ?
                                  మా తృ భాషను మించిన మధుర భాష
                                  మరచి పోయిన మనకింక మనుగడేది ?

                                  మనసులో నున్న భావాల మర్మ మెల్ల
                                  మా తృ భాషనే వివరించ మన్న నగును ,
                                అట్టి భాషను మరచియు అన్య భాష
                                మాట లాడుట మనకది మంచి కాదు

                                  తెలుగు భా ష కు రక్షణ కలుగ జేసి,
                                 తెగులు  బట్టిన తెలుగును తీర్చి దిద్ది
                                 తెలుగు భాషకు పూర్వపు వెలుగు నీయ
   కరుణ జూపియు కంకణం కట్ట రారె

తాత చెప్పేటి ఆనాటి నీతి కధలు
జోల లాడించు అమ్మమ్మ లాలి పాట
బ్రతుకు తెరువుకు పనికొచ్చు శతక నీతి
తెలుగు నాటను రావాలి వెలుగు లీయ

ఆదివారం, అక్టోబర్ 21

రాజకీయం

దీప మొకటైన తన కాంతి దిశలు దాటి

వ్యాప్తి చెందియు చీకటి బాపునదియె !

"జ్ఞాను " డొక డైన ఆతడి జ్ఞాన కాంతి

జ్ఞానులను జేయు పరిసర జాతివరుల 1

జ్ఞాన వంతుడయ్యు జ్ఞానంబు విడనాడి

స్వార్ధ చింత నొంది , జ్ఞాన మొదలి

ప్రజల తప్పు త్రోవ పట్టించు వారికి

శి క్ష నీయ వలయు తక్ష నంబు ! 2

కలసి మెలసి యున్న తెలుగు జాతిని చీల్చి

ముక్కలవగచూడ మూర్ఖ తమ్ము ,

కలసి మెలసి యున్న కలదు సుఖమనియు

నేర్చు కున్న నీతి నీట మునిగె ! 3

పులిని చూచి నక్క తలవాత పెట్టెడి

చంద మలరి యుండె సంస్కృతి పు డు ;

కాలి నడక ఎన్ని గ్రామాలు తిరిగినా

పల్లె ప్రజల బ్రతుకు బాగు పడున ? 4

కాళ్ళ తోడి నడువ , కాళ్ళ పీకులువచ్చు

బొబ్బ లెక్కి కాళ్ళ జబ్బు లొచ్చు ;

కష్ట సుఖము లేరుగ కారులో వెళ్ళినా

తెలియ గలవు వాట్ని తీర్చ వచ్చు 5

మంగళవారం, అక్టోబర్ 9

అధిక జనాభా - ఆటంకాలు

హద్దు మీరి పెరిగి అధికమై జనసంఖ్య
జాతి ప్రగతి నేడు జాడ్య మయ్యె !
పరిమితి పరివార పథ కమ్ము  పాటించి
జగతి నడప వలయు "ప్రగతి పథము" 1.

సంతు ఎక్కువుండ సంతోష మేకాని
హద్దు మీర గానె ముద్దు పోవు ;
" అవధి దాటి పోతే అటం కముల్ వచ్చు
అవధి లోనె దాన్ని ఆప వలయు 2

హద్దు మీర గానె అన్ని ఆటంకాలె
గాలి, నీరు, తిండి కరువు యగును
ప్రజలు పడుదు రంత పడరాని ఇక్కట్లు
ప్ర కృతి యంద  మంత వికృతి  యగును 3

పట్ట ణాల వసతి ప్లాట్లకు మారెను
ప్లాట్ల లోని పాట్లు ప్రజల కెరుకె
గాలి వెలుతు రచట కని పించ దెప్పుడూ
నీరు వాడు కంబు , బోరు లయ్యె 4

వేస వొస్తె   చాలు విద్యుత్తు ఉండదు
బోరు లెండి పోయి నీరు రాదు
గాలి,నీరు నేల కరువయ్యె ఈనాడు
బ్రతుకు బ్రతక డమ్ము భార మయ్యె 5

జనుల పెరుగు దలకు సరిపడు వనరులు
పెరగ కుండ నేడు తరుగు చుండె
వనరు లందు తరుగు ధరవర్లు పెరుగగా
సగటు మనిషి బ్రతుకు సంకట మయె ! 6

ఆడ పిల్ల శాపమా ?

ఆడ పుట్టుకకును అమ్మాయె బాధ్యత
అనుచు చెప్ప ఎంత అనుచితమ్ము ?
"ఆడ పిల్ల పుట్ట " అదియొక శాపంగ
పరిగ నించ  మనకు సరియు కాదు 1

ఆడ మగల యొక్క అన్యోన్య ప్రేమతో
కలసి నందు వలనె "గర్భ" మొందు
గర్భ శిశువు ఆడొ ? కాక మగ యగునొ?
చెప్ప వశము గాదు చివరి వరకు 2

"క్రోమొ -జోము " లనెడి సూక్ష్మ కణము లెన్నో
ఆడ మగలయందు అమరి యుండు
జీవ కణము లవియె జీవ వృద్ధిని పొంది
పోష నిచ్చు నవియె మొద మలర 3

ఎక్సు యక్సులు మగువలో నమరి యుంటె
ఎక్సు తో" వై" లు మగవారి నమరి యుండు
మగువ ,పురుష సంపర్క మగుట వలనె
వంశ వృద్ధికి కారణం బయ్యె  జగతి 4

మగువ లోని "యక్సు" బగవారి "యక్సు" తో
కలియు నందు వలనె కలుగు "ఆడ"
మగువ లోని "యక్సు" మగవారి "వై " కలియ
ఎపుడు మగయె పుట్టు ఇదియు నిజము 5

ఏవి ఎపుడు కలియొ ఎవరు చెప్పగ లేరు
కలియు నంత వరకు తెలియ బడదు
శాస్త్ర మితుల జెప్ప శాపాలు ఎందుకొ
నింద ఆడ పిల్ల కెందు కొ చ్చొ ? 6

శుక్రవారం, అక్టోబర్ 5

మత సామరస్యం

మంచి చెడులలోన మర్మబు తెలుపుతూ
మనిషి వర్తనమున మార్పు తేచ్చి
మోక్ష సిద్ది నొందు ముక్తి మార్గము చూపి
హితము కూర్చు నదియె మతము యగును

భాష లెన్నొ యున్న భరత దేశము నందు
భావ మొకటె యున్న ప్రజలు కలరు
జాతి మేలుచేయు జాతీయ భావాలు
దేశ ప్రగతి కిపుడు దివ్య వరము

కులము మతము యనెడి కుంటి సాకులు వీడి
మాన వత్వ మనెడి మతము జేర
భావ మొకటె యుండు భాషయే పుడుతుంది
" సేవ - ప్రేమ " యనెడి శకము పుట్టు

మాన వత్వ మందు మతము లన్ని కలసి
మమత పెంచు నట్టి మనసు యుంచ
జాతి మతము లేని సంస్కార భావాలు
ఎల్ల వారి యందు నిమడ గలవు

ఎవరి రక్త మైన ఎర్రగా నున్నట్లు
మమత ఏది అయిన మమత యొకటే
పూల దండ లోని పూలెన్ని యున్ననూ
దార మొకటే మతపు సార మొకటే

మతము లన్ని మనకు మంచి నే బోధించు
చెరుపు చేయ మనుచు చెప్ప వెపుడు
మతపు గ్రంధ సార మర్మాన్ని యోచించి
జీవనంపు సరళి చేయ వలయు

భాష భిన్న మైన ప్రాంతాలు వేరైన
మతము వేరు దైన మానవులలొ
భావ రాగ సురలు పద పల్లవుల తోడ
కొత్త గీత మొకటి కూర్చ వలయు

మానవతను పెంచు మతము ఏదియు లేదు
సాటి మనిషి కెపుడు సాయ పడుచు
పేద వారి పట్ల ప్రేమను పెంచాలి
మానవతకు ధర్మ మదియే గాదె

చిక్కులన్ని విప్ప ఒక్క దారమయేల
కులము లన్ని కలియ గుణము యగును
జలము యందు ఉప్పు జాతీయ మయ్యేల
కులము లన్ని జాతి కలియ గలవు

మనకు మనకు మధ్య మాట బేధము లున్న
మా తృ రక్షనందు మాట యొకటే
యువతు లంత అపుడు యొక్క త్రాటిని నిల్చి
"సంఘి భావ " మేమొ చాట గలరు

గమ్య మొకటి యైన గమ్యంపు మార్గాలు
ఒకటి గానె ఎట్లు యుండ గలవు ?
వీలు బట్టి బస్సు , రైలు కారులు కావ?
మతము అటులె మోక్ష మార్గ దర్శి

జాతి జాగృ తయెడి జాతీయ భావాలు
దేశ ప్రగతి కిపుడు దివ్య వరము
జాతి మేలు కొలుపు చక్కని భావాలు
పెంపు చేయ వలయు పిల్ల లందు

పర్యా వరణం

గాలి నీరుయు వెలుతు రుండేది

విశ్వ గ్రహముగ భూమి యోప్పెను

ప్రాణి కోటికి జీవ మదియే

ప్రకృ తిచ్చిన వరము అదియె 1.

చెట్లు చేమలు ఇచటే మొలుచును

పక్షి కిలకిల లిచటే వినబడు

నదులు వాగులు పారు నిచటనె

జంతు జాలము జీవ మిచ్చ టె 2

ప్రకృతి న వరము ఫలమును

బుధ్ద్ బలముతొ సుద్ది చేసియు

రక్ష నిచ్చే యిండ్లు కట్టియు

నెల దున్నీ విత్తు నాటెను 3

విత్తు నాటిన పండు పంటను

తినుచు మనిషియు శక్తి పొండును

వివిధ రకముల పంట లేయుచు

జ్ఞాన వృద్ధికి బీజ మేసెను 4

పరి స రమ్ముల గాలి యందున

జీవ సరళిలొ మార్పు లోస్తే

గాలి యంతా కలుషి తమ్మయి

ప్ర కృ తంతా వి కృ తొం దును 5

గాలి యందలి వాయు వులలో

న త్ర జని అను వాయు వొక్కటి

జీవి పెరుగుట కదియె ముఖ్యము

నేరుగా యది జీవి కందదు 6

వరియు,శనగల విత్తు లందున

అధిక నత్రజని దాచు కుంటే

బుద్ది బలముచే దోచు కోంటూ

జీవు లంతా పెరుగు చుందిరి 7.

ప్రాణి బ్రతుకుట కవుసరంబగు

ముఖ్య వాయువు ఆమ్ల జనియె

ప్రాణ వాయువు దాని నందుము

చెట్ల నుండే చేరు మనకది 8

చెట్ల అవుసర మెంత యుందో

ఇప్పు డేనా గ్రహించేవా?

చెట్ల వృ ద్ధిని పెంపు జేసీ

కలుషి తంబును నివారిడ్దాం 9

గాలి, నీరూ నేల నింగియు

ప్ర కృ తిచ్చిన ప్రసా దమ్ములు

అదియే పర్యా వరణ మందురు

వాని రక్షణ మఖ్య మిప్పుడు 10

ఆదివారం, సెప్టెంబర్ 30

తిట్టు రాజకీయాలు :

సిగ్గు లజ్జ లేక సిగ పట్లు పట్టేసి ,

నీవు ఎంత ? నీది నీతి ఎంత ?

ననుచు తిట్లు తిట్టు అరగంట లోపలే

కలసి విందు జేసి కలసి పోవు !

తెలుగు భాష లోని తిట్లన్ని తిట్టేసి ,

ఇతర భాష తిట్లు నిముడ జేసి ,

తిట్టి నట్టి తిట్టు తట్ట కుండగ తిట్టు

నీతి లేని వారు నేత లయిరి !

తట్లు తినగ బోతే తెల్ల వారదు వార్కి

తిట్ల తోనె రోజు తెల్లవారు ;

నిద్ర యందు కూడ నిట్టి తిట్టులె వచ్చు

తిట్లు తిట్ట బోతే తెలివి రాదు !

అక్ర మార్జన సొమ్ములు నాశ జూపి ,

నీతి నియమాలు విడచిరి నేత లిపుడు ;

ఒకరి పైనను మరియొక రుమ్ము కొనుచు ,

సిగ్గు లేకుండ మర్నాడె చెంత చేరు !

రోడ్డు షోలు పెట్టి రోడ్లన్ని మూసేసి

మైను రోడ్డు నడుమ మైకు లెట్టి

ప్రజల కష్ట సుఖము పట్టించు కోకుండ

సభలు నిర్వ హించ సభ్య తగున ?

ఐచ్చి కముగ తాను అయిదేళ్ళు ప్రజలకు

సేవ చేతు నంచు శఫద జేసి ,

పదవి మధ్య లోనే పదవి వీడి మరల

ప్రాకు లాడ తగున పదవి కొరకు ?

రాజి నామ చేయు మాజీయ వర్యులే

ఎన్ని కలల ఖర్చు నీయ వలయు

ననెడి బిల్లు యొకటి ఆమోద మొందు తే,

సమసి పోవు 'రాజి నామ ' సొగసు