నేటిబడులు - గైడో పాధ్యాయులు

ఉదయము  ఎనిమిది  మొదలిడి  రాత్రియు 
              ఎనిమిది వరకును  ఏమి చెప్పొ ?
బడులందె పిల్లల్ని బందీలు  చేసేసి
              కూర్చుండ బెట్టుట కూర్మి యగున?
చదవడానికి  టైము సరిగాను ఈయకే 
              ఎగ్జామ్స్  పెట్టుచో  ఏమి వ్రాయు ?
రోజుకి  రెండేసి 'ఎగ్జామ్స్'  "పెట్టేసి 
           వ్రాయమనుట  ఎంత న్యాయ మగును?

మార్కు  తగ్గంగ  పేరెంట్లు  మంద లించు ,
 కోపమున కొట్టు  గురువులు కొరడ దెబ్బ
స్నేహితుల  మధ్య అవమాన సిగ్గులయలు 
చేటు చేస్తుండె  విద్యార్థి  చిన్న మనసు !

ముఖ్య మైనట్టి  ప్రశ్నలు ప్రోగు జేసి 
వత్స రమ్మంత వాటినే వల్లెవేసి 
వంద సారులు వానినే వ్రాయ మనుచొ 
మార్కులే కాని జ్ఞానమ్ము  మరుగు పడును !

పాఠ్య పుస్తక  పాఠాలు పటన  జేసి
తెలియ బోతేను అడిగియు తెలుసు కొనుచు 
స్వంతముగ నోట్సు వ్రాసెడి పద్ధ తిపుడు 
మరుగు పడిపోయె గైడుల  మహిమ చేత !

పాఠ్య గ్రంధాల నన్నిటిన్ ప్రక్క పెట్టి 
గైడులో నున్న ప్రశ్నలే  గ్రహణ జేయ ,
మార్కు లొచ్చును ,జ్ఞానంబు  మందగించు 
చదువు లందున కాన్సెప్ట్  చచ్చి పోవు!

గైడులే  నేటి  గురువుల  కల్ప వల్లి 
గైడు లేకుండ వెళ్ళరు క్లాసు కెపుడు 
గైడు నందలి విషయాలు కాపి కొట్టి 
బోర్డు నెక్కించు  వారలే బోధకులయె !
 

చచ్చి పోతూన్న సాంప్రదాయాలు

వేలాము  వెఱ్ఱిగా వెఱ్ఱి  లెక్కువ  అయ్యు 
            సత్ సాంప్రదాయాలు  చచ్చి పోయె !
మగవార్కి  పోటీగ  మత్తుకు  లోనయ్యు 
             మందు బానిసలయ్యె  మగువ లిపుడు 
టీవీల  మోజులో  తేలియాడుతు  జనం 
             విలువైన  కాలాన్ని బీడు  జేసె !
పరుగు లెత్తెడి  ఆట పాటలన్  మానేసి 
             వీడియో  గేమ్సు కి  వెడలు  చుండె 
     "నీతి" నియమాలు ప్రక్కకు  నెట్టి  వేసి 
      స్వార్ధ  చింతన  నేతల  శ్వాస అయ్యె 
      ఆక తాయల వేదింపు  ఆగడాలు 
      మితియు మీరక  ఆపాలి మేలు గాంచి !

      నేతి  బీరలో యుండిన నేయి విధము 
      నేత లందున యుంటూంది నీతి ఇపుడు 
      స్వార్ధ కీయపు  నేతల  స్వాంత నమ్మె 
      నేటి అవినీతి కంతకున్ బాట యయ్యె !
                      

మూడు పండగలు

మూడు   పండగలు
భోగీ  పండగ:
భోగి మంటకు కఱ్ఱలు  ప్రోగు  జేసి
గుమ్మ  మందున ముగ్గులు గుమ్మ రించి
గోయి త్రవ్వియు చుట్టునూ గొబ్బిలుంచి
అర్ధ రాతిరి మంటను  నంట  జేయు
            సాంప్ర దాయము ఎలానో  సన్నగిల్లె

భోగి పిడకల దండలు బొందు  కూర్చి
భోగి మంటలో అవి వేసి భాగ్య మొంది
స్నానమును జేసి బట్టలు మేను  దాల్చి
పెద్ద లాశీస్సు బదియగా వేల్పు లిడె డి
            సాంప్ర దాయము ఎలానో  సన్నగిల్లె

ముత్తై దువలను పెరంటమునకు  పిలచి
బుజ్జి పాపని అమ్మమ్మ  ఒజ్జ నుంచి
వాయనమ్మిచ్చి పిల్లలకి పైస లిచ్చి
భోగి పళ్ళను  పోయుచు   మురెసెనట్టి
           సాంప్ర దాయము ఎలానో  సన్నగిల్లె

సంక్రాంతి :
దక్షిణము  నుండి ఉత్తర ద్వారమునకు
చీకటిని చీల్చి వెలుతురు చిందు చేయు
సూర్య దేముడు గమనంము మార్చు రోజు
సంక్ర మాన ము నుండియే  సంకర మించు

పొలము నందు పండు ఫలసాయ ఫలములు
ఇంటి కొచ్చు రోజు ఈదినమ్మె
అంబరాలు తాకి  సంబరాలను తాకు
సంద డైన రోజు సంకు రాత్రి

మరణ మొందిన పెద్దలన్  మనసు నిల్పి
జ్ఞప్తి పెట్టుకు వారిని తృప్తి పరుచ
నూత్న వస్త్రాలు గురువుకు దాన మిచ్చి
పర్వ దినముగ  సంక్రాంతి  పరిగ నించె
           సాంప్ర దాయము ఎలానో  సన్నగిల్లె

పట్టు చీరలు చక్కగా కట్టు కొనియు
పసుపు కుంకుమ ప్రతి ఇంట  పంచు కొనియు
ఆడపడుచుల సంబర అంబరాలు
పెద్ద పండగ రోజునే ప్రియము నొప్పు

కనుమ:
 సేద్య పనులలో ఎంతయో సేవ జేసి
అలసి సొలసియు గోవుల కంజ లిడుచు
పిల్ల పాపల తొడుగా పొలము కేగి
కనుమ రోజున భూమికి ప్రణతు లిడ రె !
       సాంప్ర దాయము ఎలానో  సన్నగిల్లె

శుభా కాంక్షలు :

భోగి మంటల కెగిసెది  భాగ్య సిరులు
సంకు రాతిరి  పండగ సంబరాలు
కనుమ పల్కెడు నవరాగ కవిత ఝురులు
ఎల్లా కాలము మీ యింట  నిమడ గలవు

ఎన్ని కలల కొస మెన్ని కలలొ

                                              ఎన్ని కలల కొస మెన్ని  కలలొకంటి 
                                కన్న కలలుఅన్ని  కడలి కలసె !
                                ఎన్న బడిన వారు ఎనుగెక్కెను  గాని 
                                 ఎన్ను కున్న వారు ఏడ్చి చచ్చె !

                                 పదవి కోస మలక  పరిపాటి అయ్యింది 
                                 అలుక మాన్ప  వార లటక  లెక్కె !
                                 బ్రతియు మాలుకొనుటె అతియుగా అనిపించె 
                                 నీతి  లేని వారె  నేత లయిరి !

                                 వయసు ముదిరి  వార్కి వార్ధక్య  మొచ్చినా,
                                పదవి కొరకు ఇంక ప్రాకులాడి 
                                 అలగి వలస వెళ్ళు ట ర్ధంబు   ఏమిటో?
                                 తెలుసు కొనగ వలయు ధీరమతులు !

                                 ఒకరి మీద మరియొక రుమ్ముకొనుచు
                                 మంచి కాదంచు ఇరువురూ ఎంచకుండ
                                పిలువ  లేనట్టి తిట్లతో  తిట్టు  కొనుట 
                                సిగ్గు లేనట్టి వారలే చేయు గదుర!

                                నిదుర లేవండి ఓటరు నేస్తులార 
                                తరిమి వేయండి అవినీతి  పరులనెల్ల 
                                నీతి నియమాలు వీడిన నేతలకిక 
                                స్థాన భ్రంసంబు  చేయాలి  సభల నుండి !
                               
    
                                 
 

పుట్టిన తేదీ చెబితే వారం చెప్పడం

పుట్టిన  తేది  తెలిపిన
పుట్టిన  యా వార మేదొ  బుద్ధితొ  చెపుదున్
ఎట్టులొ ? చెప్పగ వలెనా ?
అట్టులె చెబుతాను నేను అందరు  నేర్వన్ !

లెక్కలు  కలుపుట  వచ్చిన
టక్కున చెప్పేయ వచ్చు తదుపరి వారం ,
చిక్కుయు  ఏమియు  లేదిట
మక్కువ వుండాలి మీకు మనసుతొ  పాటున్

ఇక  ఎలాగో నేర్చు కొండి ,
 మనకి ఆంగ్ల నెలలు  పన్నెండు  కదా !వాటిని  నాలుగు భాగాలు చేద్దాం  అవి.
 జనవరి   ఫిబ్రవరి  మార్చి    ఏప్రిల్    మే   జూన్     జూలై  ఆగస్టు  సెప్టెంబర్    అక్టోబర్  నవంబెర్  డిసెంబెర్
     1            4         4             0        2       5         0        3           6               1           4            6

నెలల  క్రింద నున్న  అంకెలు జ్ఞాపకం  పెట్టుకోండి  (అవి  12 వర్గం ,ఐదు వర్గం , ఆరు వర్గం ,12 వర్గా నికి 2ఎక్కువ )
ఇక శతాబ్దాలు  :
 18 వ శతాబ్దం  అయితే 2, ; 19 శతాబ్దం  అయితే 0,  20 శతాబ్దం  అయితే 6, ; 21 శతాబ్దం అయితే 4 కలపాలి
సంవత్సరాలు: లో లీపు సంవత్సరాలు లెక్క కట్టా లి .
అది కట్టడం కష్టం కాదు  ఇచ్చిన సంవత్సరములో ఎన్ని లీపు వత్స రాలు ఉన్నాయో లెక్క కట్టాలి .
అది ఎలా అంటే ఆ సంవత్స రాన్ని  4 చేత భాగిస్తే  భాగ ఫలం  అవుతున్ది. ఉదాహరణ కి  48 సంవత్సరంలో
12  ( 48/4=12) లీపు సంవత్స రా లున్నాయి  34 లో 8 లీపు లున్నాయి
ఇవన్నీ కలిపీ  7 చేత  భాగిస్తే  భాగించగ వచ్చిన శేషం  బట్టి  వారం చెప్ప వచ్చు
శేషం  1 అయితే   ఆదివారం  , 2 అయితే  సోమ , 3 అయితే మంగళ , 4 అయితే  బుధ ,
          5 అయితే లక్ష్మి   ; 6 అయితే శుక్ర  , సూన్యమయితే శని  అని చెప్పాలి

ఉదాహరణ కు : ఇచ్చిన తేదీ  :- 05-09-1940 వారం కనుక్కోవాలని అనుకుందాం :
 ఇచ్చిన తేది :                                                   05 +
ఇచ్చిన నెల  :సెప్టెంబర్  కాబట్టి కలపవలసినది  06 +
శతాబ్దం  19  కాబట్టి కలపవలసినది                   00 +
సంవత్సరం                                           :            40 +
40లో వున్నా లీపు వత్సరాలు 40/4  -                10
      వీటి మొత్తం :                                     =  ---------- = 61
ఈ మొత్తాన్ని వారానికి 7 రోజులు
కాబట్టి 7 చేత  భాగిస్తే = 61/7 = శేషం :=    7) 61 ( 8
                                                                     56
                                                                   ------
                                                            శేషం = 5

  శేషం 5 కాబట్టి   వారం  =   లక్ష్మి వారం అవుతుంది
============================================================
మరో ఉదాహరణ  :     10-04-2013
       తేది =                           10 +
      నెల  = 4 కాబట్టి  =           0 +
    శతాబ్దం 20 కాబట్టి + =       6 +
    సంవత్సరం   =                  13 +
 13లో లీపు సం .లు                3 +
మొత్తము =                    =    (10+0 +6+13+3 = 32) 32/7  శేషం = 4
కాబట్టి వారం బుధవారం    ఈ రోజు ఉగాది
జాగేల , ప్రయత్నించండి
  


 

ఎటుల చేతునమ్మ ఈయుగాది

శ్రీ  విజయకు ఆహ్వానం
ఏ విధముగ తెలుప నొక్కొ  ఎరుగక  యుండెన్ !
" భావియు" అంతా తలచిన
ఆవేదన కానబడియె అందరి లోనన్ !

విద్యుత్ సంక్షో భముతో 
మాధ్యమ తరగతుల యందు మంటలు  రేగెన్ !
మధ్యానికి బానిసలై
హృ ద్యంబగు యువత భవిత ఊబిలో కూరెన్ !

గ్యాసు కొరతతో  గృ హి ణు  లాగ్రహము చెందె ,
వృత్తి కొరవడి  యువతంత  వెతను  చెందె ,
అప్పు  భీతితొ రైతన్న  ఆసువు  బాసె
సరకు  కొనలేక  సంసారి  సన్న బారె

పదవి  కోస  మిపుడు  పార్టీలు  మార్చుచూ
వలస వెళ్ళు  టందు  వడియు  పెరిగె ,
రాజి  నామ  లిపుడు  రాజ భోగాలయ్యె
నీటి లేని వారె  నేత లైరి

నేర  చరిత గల నేతలే ఈనాడు - రాజకీయపు కోట రాజులైరి ,
విద్యార్హతలు లేని వెడ్డు కోల్పులవారె - విద్యనున్ శాసించు వీరులయ్యె ,
అక్రమార్జన ససొ మ్ము  లార్జించు వారలే - అధికార పీఠాని కర్హు లయ్యె ,
వాడ వాడల బెల్టు  బార్ల కధి పతులె - మహనీయ మధ్యంపు మంత్రులయ్యె ,
మంత్రి వర్యుల  మాటకు  మడుగు లొత్తి
జీ ఒ  లిచ్చిన అధికార్లు  జైలు కెల్లె ,
మంత్రు లిచ్చు  హామీలతో  మతులు పోయె 
విజయుగాదియె తీర్పును  వెలువరించు !

                                     తెలుగు వారింట  తెలుగుకు  వెలుగు పోయె
                                    మమ్మి దాడీ లనుటయే మక్కువయ్యె !
                                    మాతృ  భాషను మరచుట  మంచి కాదు
                                    తల్లు  లికనైన  మేల్గాంచి  ధన్య తవరె !

                                   తెలుగు వాడుగ పుట్టియు  తెలుగు నింట
                                   తెలుగు మాట్లాడ కుండు ట  తెలివి యగున ?
                                  మా తృ  భాషను  మించిన మధుర  భాష
                                  మరచి పోయిన మనకింక  మనుగడేది ?

                                  మనసులో నున్న భావాల  మర్మ మెల్ల
                                  మా తృ  భాషనే వివరించ మన్న నగును ,
                                  అట్టి  భాషను  మరచియు  అన్య భాష 
                                  మాట లాడుట  మనకది మంచి కాదు

                                  తెలుగు భా ష కు  రక్షణ కలుగ జేసి,
                                 తెగులు  బట్టిన తెలుగును  తీర్చి దిద్ది
                                 తెలుగు భాషకు  పూర్వపు  వెలుగు  నీయ
                                 కరుణ జూపియు  కంకణం  కట్ట రారె

                                 తాత చెప్పేటి  ఆనాటి  నీతి  కధలు
                                 జోల  లాడించు  అమ్మమ్మ  లాలి పాట
                                 బ్రతుకు తెరువుకు  పనికొచ్చు శతక  నీతి
                                 తెలుగు నాటను  రావాలి  వెలుగు లీయ