బాపు రమణ

                            

                            బాపు రమణలు అపురూప ప్రాణ హితులు 

                             వారి బంధము అరువది వత్స రాలు 

                             మాట ఒకటియె ,నడచిన బాట ఒకటె 

                             తత్వ మొక్కటె, పరమాత్మ చిత్వ మొకటె !       1. 

                             ఆణి ముత్యాలు బాపుగారక్షరాలు ,

                             గీత సారాంసమే బాపు ' రాత-గీత' ,

                             శిల్ప చాతుర్య మంతటన్ సిరులు గొలుపు 

                             బాపు  చిత్రాలు ఓ కళా  రూప మణులు .          2

                             బాపు రమణీయ చిత్రాల వాస్తవాలు 

                             సహజ ప్రకృతన్దాలకు సాక్షికములు ,

                             పల్లె సీమల పదకేళి పలుకు జిలుగు 

                             బాపు రమణుల కమనీయ చూపు సరళి           3

                             బుడుగు  సృష్టించి  చిచ్చుల పిడుగు జేసి ,

                             రెండు జడలున్న సీతతో ఫ్రెండు జేసి                       

                             చిలిపి సీగాన ప్రసునాంబ  చెలిమి గలిపి 

                             వాసి గాంచిరి చరితలో  ' బాపు-రమణ '             4. 

    

                            కొత్త నటులను తెరపైకి ఎత్తి తెచ్చి 

                            తీర్చి దిద్దియు వారికి తెరువు జూపె ;

                            తీర అందాలు నిలిచేల సినిమ జేసి 

                            ప్రజల హృదయాన నిలచారు ' బాపు-రమణ '       5