ప్లవన సూత్రాలు

               నీటి యందున  వస్తు వేసిన 
               కొన్ని ములుగును కొన్ని తేలును 
               మునిగి తేలే కార ణమ్మును 
               శాస్త్ర మిప్పుడు తెలియ జేసెను                1 


                సాంద్ర తనునది దీని కంతకు 
                కార ణమ్మని  తెలియ జేసెను 
                తేలు చుండిన వస్తు మర్మము 
                ప్లవన సూత్రము తెలుప సాగెను           2 


               ' ప్రమాణ ఘన పరిమాణముగల                         
                వస్తు ద్రవ్యమె  సాంద్ర తనబడు'
                ద్రవ్య రాసిని ఘన ఫలమ్ము తో 
                విభా గించిన - వచ్చు సాంద్రత               3 


                 వస్తు సాంద్రత ఎక్కు వయితే 
                 ద్రవము నందున మునిగి పోవును ;
                 ద్రవము సాంద్రత ఎక్కు వయితే 
                 ఎల్ల వేళల  తేలు చుండును .               4 


                 వాటి సాంద్రత లొక్క టయితే
                 తేల కుండగ మునగ కుండగ
                 ద్రవము లో వ్రే లాడు చుండును 
                 నీట వేసిన కర్ర  చూడుము .                 5 


                 ద్రవము లోపల తేలుచుండిన
                 వస్తు భారము , అది తొలగించు 
                 ద్రవము భారము సమా నమ్మని 
                 ప్రయో గమ్మున రుజువు అయ్యెను       6 


                 తేలు వస్తువు గరిమ నాభీ 
                 తొలగు ద్రవపూ గరిమనాభీ 
                 ఎదురు దిశలో  పనియు జేయుచు 
                 ఒక్క రేఖలొ యుండు  నెప్పుడు            7 


                 అటుల జేసిన వస్తు వెప్పుడు 
                 నీట తేలుచు నుండు సత్యము;
                 పడవ జేసే పధ్ధ తందున 
                 ఇదియె సూత్రము ఇమిడి  యున్నది    8 
               
                               ******
   ( నేను వ్రాసిన శాస్త్రీయ సరాల నుండి )