జీవితములో ఒత్తిడి

                                
                                
                                 జీవితములోన  ఒత్తిడి  జీవి కున్న     
                                 బీ. పి, సుగరులు ఎక్కువై కోప మొందు;
                                 వత్తిడిని మాని తాపీగ పనులు జేయ 
                                 మనిషి మనిషిగ హాయిగా బ్రతక గలడు.        01 


                                 పనులు చెయలేక   వత్తిడి  మగడి కొచ్చు ;
                                 వంట పనులతో  ఇల్లాలు  వత్తి డగును;
                                  చదువు వత్తిడి పిల్లలన్ చావ గొట్టు ;
                                  కాన రారయ్య వత్తిడి  లే ని వారు ;              02 


                                 చేయవలసిన పనలను చెయ కుండ ,
                                 కాల మందున పనులను  గాలి కొదిలి ,
                                 పెంచు కొనినంత వత్తిడి  పెరిగే ననుచు 
                                 చింత నొందియు , వగచిన చెరుపు కాద ?     03 


                                 ఒత్తిడి లేకున్న మనిషి ,
                                 నొత్తిడి కల్పించు  కొనియు , నూగుచు నుండున్ ;
                                 వత్తిడి మరిచియు ఎప్పుడు 
                                 ఉత్తిత్తి నె నవ్వు కున్న నూరట మగునే !     04 


                                 ఒత్తిడి ఊరికె పెరగదు 
                                 నెత్తిన భారమ్ము యుంచ , నెదిగియు  పెరుగున్ ;
                                 చిత్తము పనిలో యుంచిన 
                                 నొత్తిడి మరి కాన రాదు ఊసుకు నైనా!       05 


                                   మాన సికమైన వత్తిడి మనసు నున్న 
                                   మరణమే గాని డానికి మందు లేదు ;
                                    వ్యధను పొందియు తదుపరి వ్యాధి ముదిరి 
                                    పిచ్చి వానిగ రోడ్లపై ప్రేలు చుండు !

                                                 ********
                              ( శ్రీ కష్టే ఫలే వారి కోరికపై వ్రాసినవి )